FAGOR ARRASATEKO YOUTUBE KANALEAN BESTE BIDEO BAT: ORGA BIRAGARRIA DUEN ERRETOKE PRENTSA

Gaur egun, zehaztasun osoko trokelak erretokatu eta ekoizteko (bai metalezko piezak ekoizten dituztenak eta bai konposite piezak ekoizten dituztenak) erretokeko prentsa hidrauliko   aurreratuak behar dira. Fagor Arrasatek diseinatu eta egin duena horrelakoa da eta auto elektrikoak egiten dituen ekoizle garrantzitsu batentzat egin du. 5000 KN-ko gaitasuna du eta hori bi zilindro hidrauliko nagusiren bitartez lortzen du. Atzerako indar erabilgarria 800 KN-koa da. Gehienezko ibilbidea 2600 mm-koa da eta altuera itxia 3200 mm-koa. Mahaiaren eta orgaren dimentsioak 3300×2800 mm-koak dira. 50 tona arterainoko pisua duten trokelak erabili ditzake.

Prentsa honen ezaugarri interesgarri eta erabilgarria hauxe da: orgak 180º kulunka dezake trokelaren goiko aldean 25 tonako pisuak izanik.

Horrela, goiko matrizea horizontalean geratzen zaio langileari eta modu ergonomikoan egin dezake lana. Horrela erraztu egiten ditu erretoke lanak, produktibitatea handitzen du eta teknikoaren segurtasuna bermatu.

Bideo honetan zehaztasun osoz ikusten da orgaren biraketa prozesua, funtzionamendu erraza eta maniobraren azkartasuna.

https://www.youtube.com/watch?v=P0HxjSdMJ4Q