Beroko estanpaziorako transfer lerroa

Beroko estanpazioko kadentzia handienetarako soluzio optimoan automatizazio sistemak kadentzia handiko transferrarekin (Twin-feeder) konbinatzen dira, arrabol labea prentsarekin linean integratuz.

Labearen eta prentsaren arteko 90ºko posizionamendu erlatiboak aukera ematen du “Transfer” moduan manipulatzeko sistemaren abantailak ahalik eta gehien aprobetxatzeko.  Horrela, FAGOR ARRASATEn merkatuko ekoizpen kadentzia handienak lortzen ditugu teknologia honetan. Horrez gain, ezaugarri hauek ere definitzen gaituzte:

• Giltza eskura erako instalazioak: guk diseinatzen ditugu instalazioaren elementu guztiak: despilagailua, prentsa, prentsaren karga/deskarga automatizatzea. Halaber, osagarri guztiak integratzeaz arduratzen gara, labea barne.
• Prozesua monitorizatzea: bereziki kritikoa denez piezaren kalitateari eragin diezaioketen prozesuko aldagai guztiak monitorizatzea, FAGOR ARRASATEn instalazioak eskaintzen dituen datuak (Tª, indarra, denbora, emariak) monitorizatzen, zentralizatzen eta biltegiratzen ditugu, horrek ekoizpena optimizatzeko eta piezaren kalitatea ziurtatzeko aukera ematen baitu.
• Balio kate osoa: FAGOR ARRASATEren prozesu ezagutza, lineako operazioaren kostu osoa ahalik eta txikiena izatera bideratzen da, eta horretarako, honako hauek uztartzen dira: taldekako inbertsioaren balioa, okupatutako espazioak, energiaren kostua, produktibitatea eta globalki errentagarriak diren soluzioak definitzeko beste elementu batzuk.