Kadentzia handiko prentsa lerroa

Hauek dira kadentzia handiko prentsa lerro baten ezaugarriak:

• Produktibitate handia modu etengabean, zeinarekin 17 pieza handi ere landu baitaitezke minutuko XL lerroetan eta 21 pieza ertain ere minutuko L lerroetan.
• Guztirako prentsaketa indarra prentsa kopuruaren eta prentsa bakoitzaren tonajearen araberakoa da. Prentsa nagusiak 25.000kN eta 20.000kN arteko indarra izan ohi du eta hurrengoek 18.000kN eta 10.000kN artekoa.
• Prentsak ohiko mekanikoak edo serbomekanikoak izan daitezke, edo bien arteko nahasketa bat ere bai. Konfigurazio hibridoak trazatuaren errendimendua hobetu dezake, piezen guztirako errendimendua oso gutxi txikituta.
• Prentsen ibiltartea diseinatzean kontuan hartuko da automatizazioak sarrera eta irteera erraztu beharko duela, zikloen denborak optimizatzeko.
• Prentsak 4.000 mm x 1.800 mm neurrikoak izan daitezke, gutxienez, eta 5.000 mm x 2.600 mm neurrikoak, gehienez, eta automobilen pieza ertain eta handiak prozesatzeko gai dira.
• Instalazioak 4.300 mm x 2.100 mm neurriko piezak manipulatu ditzake, pieza bakoitza 60 Kg ingurukoak izanik.
• Formatu bikoitzekin ere landu ditzake, 2.000 mm x 2.100 mm neurriko piezetan eta pieza bakoitza 30 Kg-koa izanik.
• Lerroak, gainera, dimentsioen kalitatea automatikoki kontrolatzeko sistemarekin eta piezak automatikoki biltegiratzeko sistemarekin (apalategien sistema) batera saldu daitezke.

e-cushion

Kuxina da energia kontsumoaren murrizketako eta energiaren birsorkuntzako hobekuntza arlo nagusietakoa. Kuxin hidraulikoa energia efizientzian hobetzeko potentzial handia duen produktua da eta teknologia horren ezagutzan eta doitasunean ere FAGOR ARRASATE merkatuko liderretako bat da. Serboprentsek nazioarteko merkatuan gero eta presentzia handiagoa duela ikusirik, erabaki genuen kuxin serbo-mekanikoen alorrean kontzeptu berri bat garatzea.

Kontzeptu berri horrekin, hidraulika albo batera utzi eta serbo 3 motore elektrikoak jartzen dira, eta kremailera eta piñoi bidezko gailu baten bitartez, serbomotorraren energia elektrikoa trokela enbutitzeko prozesurako behar den indar mekaniko bihurtzen du.

Soluzio horrek prentsaren eragintza sistema garrantzitsuenean teknologia serboa duten prentsetan arkitektura ideala sortzea ahalbidetzen digu. Kontrola SIMOTION plataforman egin da eta jada merkatuan badira kuxin horren erreferentziak. Amortizazio epea 32 hilabetekoa da eta prentsaren efizientzia energetikoa %50 hobea da (are hobea zenbat eta gehiago erabili kuxina) pieza batzuetan, bere aurrekoarekin, hau da, kuxin hidraulikoarekin konparatzen badugu.

Informazio gehiago