Prentsa progresibo eta transfer prentsa

FAGOR ARRASATEn konformaziorako teknologiaren alorrean dugun zorroa handitu dugu, eta estanpazio prentsa estandar berriak kaleratu ditugu mundu osoan, tonaje ertaineko prentsen segmentuan (hau da, 6.300 kN, 8.000 kN eta 10.000 kN prentsaketa indarrarekin).

Fidagarritasuna eta produktibitatea dira gure arauak estanpazio prentsak diseinatzeko unean. Erabat automatizatuak diren prentsa estandar berrien estandarizazio maila handiari esker, entrega epe laburrak bermatzen ditugu. Estanpazio prentsa hauen monobloke diseinuak oso soluzio merkea eskaintzen du, batez ere kontuan izanda prentsaren multzo nagusiak geuk fabrikatzen ditugula.

Helmugako fabrikan gastuak minimoak dira, garraioa pieza bakarrean egiten baita eta hodiak eta kableak aurrez instalatuta baitaude. Gainera, posible bada, beharrezkoak diren proba guztiak egiten ditugu zure izenean, esaterako, presio indarraren eta paralelismoaren neurketak.

Prentsa pertsonalizatu eta fabrikazio prozesu bakoitzera egokitzen uzten duten pakete bereziak daude aukeran. Prentsa eszentrikoak, artikulatuak eta serboprentsak aukeran edukitzeaz gain, erreminta premien arabera aldatzea ere diseinatu daiteke, esaterako, eskuz edo automatikoki egitea.

Era berean, soluzio osoa emateko, aukera sorta zabala dago prentsaren automatizazioan (garraio sistema eta transfer sistema).