Zeharkako ebaketa lerroa automobilgintzarako

FAGOR ARRASATEn lautzeko makinen katalogo bat daukagu, lerro mota honetan landu behar diren lodiera guztietarako. Automobilgintzaren kasuan, prozesatzen den materialak gehienez ere 4 mm-ko lodiera izan ohi du, eta lautzeko makina mekanikoak erabili daitezke, gehien erabiltzen direnak baitira, edo lautzeko makina hidraulikoak.

Lautzeko makinak funtzio gehigarriak edukiko ditu lerroan behar den automatizazio eta produktibitate mailara egokitu ahal izateko: kasettearen aldaketa automatikoa (<5 min), drive askoko kontrola eta LSA aplikazioa (Leveller Setting Assistance), arrabolak garbitzeko sistema, lautzeko arrabolen materialak eta akaberak, besteak beste.

Lautzeko makinaren zeregina da bobina fabrikatzeko prozesuaren ondorioz barruan sortzen diren tentsioak desagerraraztea, eta akats lokalak ezabatzea (poltsak, uhinak, etab.). Automobilgintzaren sektorean erabiltzeko ZELetan prozesatzen diren bobinak oso kalitate handikoak ohi direnez, normalean ez da beharrezkoa izaten bobinak murrizteko funtzio bereziak edukitzea.

lerroaren abiadura, prozesatu beharreko materiala eta bere lodiera kontuan hartuta, FAGOR ARRASATEn zizaila gama zabala dugu. Automobilgintzaren sektorera zuzendutako lerroen kasuan, hauek nabarmendu ditzakegu:

• Zuzen ebakitzeko zizailak
  • Zizaila birakariak: Ekoizpen handiko lerroetarako dira (200 ziklo ere minutuko), izan ere, lerro horietan zizailak goiko eta beheko buruak era sinkronizatuan jiratuz mozten du materiala. Tiroan lan egiten duten lerroak dira, eta aurretiko arrabol elikatzaile batek eta neurketa gurpil batek kontrolatzen dute elikadura. Lerroek tiroan lan egiten dutenez, ez dute hobirik behar eta, beraz, instalazio errazak dira. Zizailek automatikoki aldatzen dute hortzez eta automatikoki doitzen dute lasaiera.
  • Danbor zizailak: Oso ekoizpen handiko lerroetarako dira (200 ziklo ere minutuko). Zizaila birakarietan bezala, goiko eta beheko buruak modu sinkronizatuan jiratuz egiten da ebaketa. Birakariak baino arinagoak dira eta, beraz, bere aplikazioa oso espezifikoa da.
  • Zeharkako zizailak: Goitik behera egiten dute ebaketa eta, beraz, ebaketaren linealtasunean doitasunik handiena lortzen dutenak dira. Gainera, ebaketa unean materiala geldi dagoenez, zizaila horiek bizar balio oso txikiak lortzen dituzte. Horren ordainean, zizaila horien produktibitatea birakariena baino txikiagoa da. Hobira lan egiten duten lineak dira eta elikadura modu ziklikoan egiten da. Zizailek automatikoki aldatzen dute trokela, kurba formako ebaketak, ebaketa omegak eta beste ebaketa batzuk egiteko, eta lasaiera ere automatikoki doitzen dute.

• Trapezioak ebakitzeko zizailak
  • Zizaila birakari eta oszilatzaileak: Ekoizpen handiko lerroetarako dira (200 ziklo ere minutuko), izan ere, lerro horietan zizailak goiko eta beheko buruak era sinkronizatuan jiratuz mozten du materiala. Gehigarri moduan, oszilazio mugimendua dute, trapezio formak ebaki ahal izateko. Katenarian lan egiten duten lerroak dira, eta aurretiko arrabol elikatzaile batek eta neurketa gurpil batek kontrolatzen dute elikadura. Lerroek katenarian lan egiten dutenez, ez dute hobirik behar eta, beraz, instalazio errazak dira. Zizailek automatikoki aldatzen dute hortzez eta automatikoki doitzen dute lasaiera.
  • Zizaila oszilatzailea: Goitik behera egiten dute ebaketa eta, beraz, ebaketaren linealtasunean doitasunik handiena lortzen dutenak dira. Gainera, ebaketa unean materiala geldi dagoenez, zizaila horiek bizar balio oso txikiak lortzen dituzte. Gehigarri moduan, oszilazio mugimendua dute, trapezio formak ebaki ahal izateko. Horren ordainean, zizaila horien produktibitatea birakari eta oszilatzaileenena baino txikiagoa da. Hobira lan egiten duten lineak dira eta elikadura modu ziklikoan egiten da. Zizailek automatikoki aldatzen dute trokela, kurba formako ebaketak, ebaketa omegak eta beste ebaketa batzuk egiteko, eta lasaiera ere automatikoki doitzen dute.

Zizailetan ebakitako materiala kanporatzeaz arduratzen diren makinak dira. FAGOR ARRASATEn pilatzaile gama zabal bat daukagu material sorta zabal bat prozesatu ahal izateko. Automobilgintzaren sektorera bideratuta daude, eta pilatzaile hauek nabarmendu daitezke:

• Elektromagnetikoak
• Hutsekoa
• Hibridoak
• Haizatutako pilatzaileak

Pilatzaileen konfigurazioa hainbat makina osagarrirekin osatzen da, hala nola mahai tolesgarriekin, orgatzarrekin, zizailekin, garbiketa sistemekin eta zumitzez lotzeko makinekin.